影片
更多
2018-07-25
172 浏览
香港人對於食雲吞麵、牛腩麵已經有好長嘅歷史，遠到去我爺爺嘅年代佢哋經常都掛在口邊，成日都想食番碗牛腩麵。從前的牛腩麵可能因為便宜就可以滿足一餐需要，食得多就變成習慣，耐不耐都要食番碗。但時過境遷現今香港嘅飲食文化，已經令牛腩麵五花八門，很多麵店因為名氣而排長龍，但其實味道卻非常普通，而今次食到的牛腩麵雖然名氣比不上其他麵店，但牛腩味道可算數一數二。位於深水埗華園冰室環境都幾乾淨整齊，但老實講未食之前只覺同其他的冰室一樣，但估不到在場亦有幾個港島區專程過來食的粉絲。餐牌內有平時中式麵店有的款式，牛腩、雲吞、魚皮餃、魚片頭亦都可以選擇，價錢方面$2x-$5x也有，選擇都算足夠。牛三寶米麵 $50講咗咁耐就知我最後揀咗佢個牛腩麵，我睇咗佢牆身海報得知，牛腩用咗多款藥材、老雞、豬骨、牛骨，煮10多個小時已成。湯底味道清甜，唔會有口渴感覺。一開始當然要試佢嘅主角牛腩，牛腩份量都算多有五件，而且肉質軟嫩但唔會鬆散，味道方便有濃郁嘅牛味，配埋辣椒油更加一絕。牛肚、牛根味道亦不俗，但當然最好食一定係牛腩，整體份量亦中規中矩，一個成年男士去食都會足夠。其實今餐嘅牛腩真係有驚喜，睇吓之後試埋佢個咖哩牛腩啦
從前的牛腩麵可能因為便宜就可以滿足一餐需要，食得多就變成習慣，耐不耐都要食番碗。
但時過境遷現今香港嘅飲食文化，已經令牛腩麵五花八門，很多麵店因為名氣而排長龍，但其實味道卻非常普通，而今次食到的牛腩麵雖然名氣比不上其他麵店，但牛腩味道可算數一數二。
位於深水埗華園冰室環境都幾乾淨整齊，但老實講未食之前只覺同其他的冰室一樣，但估不到在場亦有幾個港島區專程過來食的粉絲。
餐牌內有平時中式麵店有的款式，牛腩、雲吞、魚皮餃、魚片頭亦都可以選擇，價錢方面$2x-$5x也有，選擇都算足夠。
牛三寶米麵 $50
講咗咁耐就知我最後揀咗佢個牛腩麵，我睇咗佢牆身海報得知，牛腩用咗多款藥材、老雞、豬骨、牛骨，煮10多個小時已成。湯底味道清甜，唔會有口渴感覺。
一開始當然要試佢嘅主角牛腩，牛腩份量都算多有五件，而且肉質軟嫩但唔會鬆散，味道方便有濃郁嘅牛味，配埋辣椒油更加一絕。
牛肚、牛根味道亦不俗，但當然最好食一定係牛腩，整體份量亦中規中矩，一個成年男士去食都會足夠。
其實今餐嘅牛腩真係有驚喜，睇吓之後試埋佢個咖哩牛腩啦。
张贴
