豐華飲食中心 (已結業)

同同事lunch嗰陣發現左呢一間茶餐廳，其中一個同事介紹話呢度嘅燒味好好味，於是二話不說就試試佢。餐牌基本上大部份都係食燒味，有好多唔同配搭，第一次你簡簡單單食個燒肉叉燒米粉～叉燒燒肉米粉$36價錢唔算貴，燒味份量都夠，燒肉皮脆肉軟，做得好好，叉燒就唔係我嘅口味，可能因為浸左落湯度，比較偏軟身啲，湯底正常。不過分量來講，女仔啱啱好，但係我諗男士應該唔夠食，所以如果想飽肚啲，可以叫飯～飯嘅份量見到同事食係大大碗嘅所以應該OK😃😃加湯好似加$5，味道都可以呀。買單一人都係四字頭，呢頭食飯算係正常價啦，會再返黎食燒味！