嵐山料理 (已結業)

嵐山料理位於中央圖書館的馬路旁，是一間街頭小食店。看到餐牌應該是專營日式炸物，因為店內有多款炸物，如圖片中的炸芝士、炸魚柳及炸香蕉。另外亦有炸生蠔、炸大蝦及炸雪糕等等。雖然只是外賣的小食店，但店舖門外有遮擋處，因此可以站着慢慢歎。當中的炸芝士出乎意料咁好味，亦十分抵食，只是20元便有4件芝士加薯條，芝士更有兩種味道，一種是常吃的車打芝士，一種是味道很特別的金文不芝士，想不到包着的炸漿十分薄，又不油膩，真係非常好味。另一推介係芥末魚柳，十分大客，有6-7件伴以薯條，都係16蚊。而且個芥末漿非常好味，不太攻鼻。我問過師傅，佢地話D漿汁全部自創，並非入貨，所以好獨特。最後係炸香蕉，原來係皇帝蕉，非常香軟而且個脆漿超薄，加上自製嘅黑加侖子汁，仲要只係賣10蚊，真係好味到爆！