吞POT 雞煲火鍋.住家菜 (已結業)

娃娃菜洗得好乾淨，冇爛冇黃冇黑點好新鮮，份量多，叫一份已經好夠食。手打香煎鵝肝蝦丸有6粒，雖然價錢比起普通丸類貴，但係真材實料，肉丸以鵝肝同蝦仁手打而成，口感十分鮮嫩、QQ彈彈，而且用煎過嘅鵝肝打成丸，令肉丸充斥住鵝肝嘅香味。牛柳粒份量正常、大小適中，脂肪分佈均勻，煮熟後油香撲鼻，牛味香濃。煮嘅時候唔好一次過倒入去，分開煮，控制下生熟程度。煮到剛剛熟，口感更加嫩，唔會太老導致韌。整體黎講，用料新鮮，對得起個價錢。