喜記蟹將軍

营业中

休息中

經網上訂座全單有75折，我哋3個朋友見咁抵食，馬上決定咗飯聚地點。原來喜記蟹將軍大有來頭，曾獲法國藍帶美食大獎🏆餐牌選擇豐富，不論海鮮、肉類和蔬菜等都應有盡有！待應介紹我哋試🦀喜記正宗炒辣蟹，係用新鮮空運越南肉蟹，配蒜蓉、豆豉、辣椒等炒香。係佢哋嘅震店名菜，可惜其中一位朋友唔食辣，唯有留返下次再試。喜記富貴蝦瀨尿蝦超級大隻🦐✨有返咁上下價錢果然比返啲靚嘢我哋食！走油後外殼香脆，差啲想食埋，蝦肉鮮甜彈牙，蝦膏甘香有咬口，配上蒜香和椒鹽提鮮好惹味！紅燒乳鴿買少見少嘅菜式，細個同屋企人去酒樓晚飯都一定會食，廣東人有一鴿勝九雞嘅講法，我哋見到即刻落單叫1隻試下。紅燒乳鴿有分生炸和熟炸嘅做法，熟炸即係滷水浸熟再炸。相信呢度係用呢個方法吧？！皮肉帶點甘甜滋味，似乎吸收曬滷水精華，炸到外酥內嫩，連骨食埋都得😋秘制豉油雞半隻豉油雞只係$138，皮薄肉嫩，但無血水，雞肉無過生！火喉控制得非常好。浸豉油時間控制得宜，入味之餘唔會外皮過咸。