噹噹茶餐廳 (已結業)

之前睇梁祖堯介紹過，於是專程嚟到深水埗噹噹茶餐廳食沙嗲牛肉麵。呢度嘅沙嗲好夠味😋，睇相都 feel 到，不過略嫌鹹咗少少；牛肉就厚切有咬口有肉味，唔錯。至於麵底，爽口彈牙又唔會好腍，面頭仲灑滿芝麻，好食👍；其實我覺得有啲似出前一丁，但唔太肯定，因為沙嗲味實在太濃，蓋過個麵本身湯底嘅味。至於個常餐其他部份都唔錯，炒蛋有蛋香，多士亦烘得幾香脆。呢度係極少數可以使用中電 50 蚊消費券嘅黃店，同老闆娘吹左陣水，佢話上次政府嘅消費券 50 蚊當中政府只係資助 10 蚊，餐廳要補貼 40 蚊😱，今次中電呢張就可以全數入袋。如果大家仲未用呢張券，不妨過嚟消費。