岩鹽日本料理 (利舞臺廣場) (已結業)

去左銅鑼灣食呢間日本餐廳，聽講佢嘅飯幾正，就去試下。呢度係係利舞臺廣場16樓，一上到去，見到間門面裝修幾靚，好日式嘅餐廳就係啦。我食左吾多野，不過樣樣都好令我滿意，先點左個日本紫薯蓉拌薯仔沙律。外貌好靚，紫薯蓉好香滑，加上有少少咬口薯仔，兩種口味一齊食，好味道。仲有三文魚親子釜飯都要讚，因聽講佢嘅釜飯好似幾好，我點了呢個，店員上碟會介紹食法，先可以食左先，如果吾夠味可以加醬汁，食到尾，可以加佢嘅茶，再加上紫菜食，我覺得兩種食法都好正，個釜飯味道我覺得已經夠了，冇點加到醬汁，熱辣辣，食到下面加左茶，又好清淡，好舒服，好岩我口味，吾錯，而且佢嘅料都好足，好正。整體感覺幾好，服務都吾錯，下次再嚟食下其他釜飯先。