越後屋 (已結業)

今日朋友帶我試新野，佢話大坑開左間刨冰店，鍾意試新野既我又點可以錯過呢！去到門外已經人生人海，要自己係門口塊牌上面寫名同人數。店入面地方唔多，所以其實都幾擠迫。刨冰店由日本人親自主理，質素有一定既保證。芒果刨冰估唔到咁好食，份量都好多，一個人一定食唔哂，同fd  share就最好不過！本身d冰已經刨到好綿，而佢既芒果汁都好甜好有香濃既芒果既味道，但個種甜味又唔似糖水個隻甜，所有味道都好夾，冇我想像中芒果個種酸味，好好味！另外個莓乳酪刨冰相對地就顯得有點失色，可能因為食左芒果刨冰先既關係，所以食落味道有d淡左，冇芒果個種香濃既甜味。食得到刨冰中甜甜既乳酪味，個醬酸酸甜甜都幾好。但如果真係要兩者選其一，個人始終會投芒果刨冰一票。