鮨幸 (已結業)

鮨幸既omakase晚餐 $1680 包括前茶、刺身、季節料理、壽司、湯、甜品。師傅會因應季節挑選時令食材。去嘅時候正是踏入初秋，師傅貼心地選擇了味道濃重一點既沙甸魚、蟹、鮑魚、銀杏、栗子等食材入菜。菜式從冷到熱、淡到濃次序上菜。先有開胃的精緻前菜，之後到魚生及壽司，最後有熱湯及煮物。每道菜嘅賣相都經過師傅嘅精心佈局，食材以及餐具都係經過細心挑選。我自己就最鍾意呢道鮑魚。廚師用咗海膽嚟提升鮑魚嘅鮮甜味。海膽溶化於口裏嘅鮮甜味與鮑魚嘅爽口肉質造成對比，衝擊味蕾。唔止食物味道令人驚喜食材新鮮程度100分，有啲菜式甚至靚到好似成幅畫咁。服務態度餐廳環境以及擺盤賣相都係令人喜出望外 🥰 整頓飯吃得出廚師的功底和別出心裁的創意，達到我心目中日式料理的最高境界 😍餐廳出面仲有個露台，望到銅鑼灣鬧市街景。天氣清涼時出去飲杯酒或食枝煙都唔錯。