天天海南雞飯 (新城市廣場三期)

营业中

休息中

當你以為黎天天海南雞一定係雞出色既時候，你錯了，佢最出色既其實係佢既雞飯。嗱，唔係佢雞唔好食，但雞飯太過出色。黎到食當然係一定有叫返個海南雞食，不過今次叫左燒雞，因為本人中意食燒雞脆脆既外皮加鮮嫩嘅雞肉，呢度都係水準之作。另外，當然食雞點可以少左雞飯，雞飯好香，一打開蓋香味撲鼻而來，食落去唔會覺得好油膩，但係味道依然令你食完一啖仲想食一啖。另外叫咗個海鮮喇沙麵，面同埋喇沙係分開上，自己將面加入喇沙入面。不過，喇沙個湯底都唔錯，面同喇沙湯底融合一齊，每一啖面都包圍着湯汁，超級滿足。而且海鮮嘅份量都好足，呢個價錢都相當相宜，可以一試！仲叫咗一個黑松露多士，不過呢個當時就有少少昂貴，但係佢嘅黑松露味道都幾出，都幾特別，鍾意食黑松露嘅朋友都可以試吓。最後叫咗個豆腐花，豆腐花嘅豆味唔重，反而食出好似燉蛋嘅味道。