影片
更多
2024-07-11
70 浏览
📍銅鑼灣 備長去完日本成日都掛住佢哋嘅居酒屋，成日都想食返日本串燒嘅味道。於是今日就嚟咗位於銅鑼灣逸園大廈26樓嘅備長居酒屋🙂↔️。見到佢嘅餐牌都有好多選擇，有串燒類、刺身類、壽司類、主食類等等，應有盡有。有時約一大班朋友大家有各自想食嘅嘢，呢間居酒屋就絕對幫到你。🤍٩(˃̶͈̀௰˂̶͈́)و備長卷 $188店入邊最多人叫嘅一定係佢呢一個備長卷，一共有六舊卷物，入邊係包咗吞拿魚餡。不過重點都唔係呢樣嘢，係面頭倒咗一大堆海膽同三文魚子，多到跌咗落個碟度，份量超豐富。牛舌厚切 $78牛舌成日都擔心會好韌，但係佢呢個厚切燒得啱啱好，中間有少少煙煙韌韌，但係又唔會硬得滯，而且加上鹽嘅調味，好濃郁嘅牛味出晒嚟。荔枝豬肉卷 $38佢呢個豬肉卷每一舊有一粒荔枝，加上每一啖都有豬肉包住，鹹鹹甜甜咁好特別。鍾意食清爽啲，唔會太油膩嘅串燒，呢一款豬肉卷一定好啱你。白鱔 $88白鱔感覺一串$88好似有啲貴，但係其實超級大嚿，而且啖啖肉每一啖都好爽口。加上佢用鹽燒咗佢嘅皮。咬落去有少少調味，但係又唔會好鹹，啱啱好。鵝肝多士 $88超大片鵝肝加上多士絕對係最佳嘅配搭，而且鵝肝嘅質素都好高，正。牛肉稻庭烏冬 $98佢嘅稻庭烏
去完日本成日都掛住佢哋嘅居酒屋，成日都想食返日本串燒嘅味道。於是今日就嚟咗位於銅鑼灣逸園大廈26樓嘅備長居酒屋🙂↔️。見到佢嘅餐牌都有好多選擇，有串燒類、刺身類、壽司類、主食類等等，應有盡有。有時約一大班朋友大家有各自想食嘅嘢，呢間居酒屋就絕對幫到你。🤍
٩(˃̶͈̀௰˂̶͈́)و
備長卷 $188
店入邊最多人叫嘅一定係佢呢一個備長卷，一共有六舊卷物，入邊係包咗吞拿魚餡。不過重點都唔係呢樣嘢，係面頭倒咗一大堆海膽同三文魚子，多到跌咗落個碟度，份量超豐富。
牛舌厚切 $78
牛舌成日都擔心會好韌，但係佢呢個厚切燒得啱啱好，中間有少少煙煙韌韌，但係又唔會硬得滯，而且加上鹽嘅調味，好濃郁嘅牛味出晒嚟。
荔枝豬肉卷 $38
佢呢個豬肉卷每一舊有一粒荔枝，加上每一啖都有豬肉包住，鹹鹹甜甜咁好特別。鍾意食清爽啲，唔會太油膩嘅串燒，呢一款豬肉卷一定好啱你。
白鱔 $88
白鱔感覺一串$88好似有啲貴，但係其實超級大嚿，而且啖啖肉每一啖都好爽口。加上佢用鹽燒咗佢嘅皮。咬落去有少少調味，但係又唔會好鹹，啱啱好。
鵝肝多士 $88
超大片鵝肝加上多士絕對係最佳嘅配搭，而且鵝肝嘅質素都好高，正。
牛肉稻庭烏冬 $98
佢嘅稻庭烏冬，唔係平時嘅烏冬，咬落去嚶嚶韌韌，而且牛肉唔會過肥，整體嚟講相當之滿意。
日本小甜薯 $26
佢嘅甜薯好甜，而且啱啱好熱辣辣非常之好食。
٩(˃̶͈̀௰˂̶͈́)و
张贴
