正 麻辣·茶·雲吞 (已結業)

今日係長沙灣收工，同朋友仔係呢區搵食。朋友介紹左呢間小店，正麻辣茶雲吞，餐廳只有十數位置，去ge時候岩岩好有位，唔駛等。我就點左麻醬青瓜雞絲冷麵，另加溏心蛋朋友點左麻辣撈雲吞（7隻），加幼麵另外加左份香煎芝心雲吞share 食。麻醬青瓜雞絲冷麵此冷麵只於夏日提供，雖然最近開始漸漸轉涼，但係依然好想食冷麵。麻醬十分開胃，青瓜絲十分爽脆，雞絲分量十足，食落好滿足。另加溏心蛋一隻，只需$9，好抵兼好味。麻辣撈雲吞（7隻）加幼麵我試左啖麵同埋一隻雲吞，呢隻麻辣我都只敢少試過下癮，朋友鍾意食辣就覺得好正好過癮，邊叫辣邊繼續食👍🏼香煎芝心雲吞店員表示改左做炸，即叫即炸，店員提示我地要襯熱食。雲吞炸到金黃色，賣相都已經好吸睛，食落十分脆及香口，芝士味夠出，食完一隻又一隻，值得encore。我地另外加左杯金橘檸檬蜜share，同平時出面飲開ge唔同，金橘味十分天然，食完辣野飲番啖即刻爽晒。