我愛伊斯坦堡 (已搬遷) 新店位置

平時對土耳其菜冇乜接觸，純粹係喺旺角食厭左日韓菜後，就萌生左食中東菜既念頭。之前喺女人街食過一次土耳其菜式，感覺都幾特別，今次就去咗呢一間樓上鋪食土耳其菜。先講環境氣氛，充滿民族嘅風情，店員非常落力咁講解每一道菜，有沙律嘅切法，講到土耳其當地嘅文化，完全感受到佢對土耳其嘅熱情。店員親自調理沙律，石榴汁係沙律嘅靈魂，配上番茄等多種配料，味道偏酸，有層次，十分開胃。接落嚟就係烤雞，只能夠用皮脆肉嫩去形容，由內到外都充滿香氣，咬落去唔會乾亂爭爭。以烤雞底下嘅飯，口感濕潤，配上乳酪一同食用，別有一番風味。然後就到咗小食嘅環節，茄子非常香濃，薯條唔會太重油份。土耳其嘅薄餅實在令我好著迷，無論口感，味道都係一百分。芝士咸香，同肉片融為一體，一試難忘。