長洲冰室

营业中

休息中

「長洲冰室」係我今次入嚟長洲美食行要食嘅名單排第一🥇，因為要食好嘢，所以之前嘅運動一定唔少得，我哋去咗長洲多個名勝，張保仔洞、長洲東灣、觀音灣，北帝廟等等地方，今日步行已經超過了一萬步了🚶🏼‍♂️。這甜品店裝修簡約，空間感足，坐得亦舒服自在。心多多嘅我睇到有咁多選擇嘅甜品餐牌，都唔知點算好，睇咗一陣，最後我點咗「椰皇桃膠三色圓燉奶 $55（熱）」，桃膠好滑唔會硬，甜度啱啱好，每一啖都有陣陣嘅椰香，丸子亦都Q彈，最後連椰皇入邊啲肉都刮晒嚟食，這是一道好有誠意嘅甜品，食完很心滿意足🥰。朋友係芒果控，所以佢揀咗「雪糕多芒奶凍$35」，香甜芒果肉配芒果味嘅雪糕及超滑嘅奶凍，絕配😋。雖然只係甜品店，但都感受到老闆對做甜品嘅誠意，店員亦有笑容，處處都感受到小島風情嘅人情味。食完個甜品，補充番返啲電力，我哋計劃喺市中心行吓，睇吓仲有啲乜嘢小食😆及手信買返屋企，晚上已安排食海鮮🦞🦐🦀🐠🐙。