影片
更多
2023-08-16
105 浏览
今次人生第二次寫食評，上一次係幾年前，因為經過一個唔好嘅經歷，忍唔住要寫篇食評發洩吓。估唔到今次係完全掉轉，係實在太正啦，忍唔住都要寫篇食評讚吓。諗住同啲酒友去尖沙咀諾士佛台嗰度飲杯嘢，見到呢間新開嘅韓式酒吧，好似幾得意，就上去試吓。估唔到咁驚喜！一上到去，見到成間機舖咁嘅feel，有晒我以前最鍾意打嗰啲跳舞機，又有我最鍾意嘅籃球機，淨係睇到都已經加晒分！重點嚟啦，又鍾意飲酒，又係食肉獸嘅我，一嚟就叫咗個炸豬手。比起一啲德國啤酒場嘅炸豬手，呢隻簡直係有過之而無不及。超級Juicy，個皮又勁危，唔會太死鹹。仲要切好晒，啖啖肉。食起上嚟一啲都唔麻煩。見佢豬手好食，就諗住叫埋炸雞試吓啦，都係非常有水準。味道拍得住出面專做韓式炸雞嘅舖頭。應該係即叫即炸，出到嚟熱辣辣已經加晒分。味道選擇又多，首先食咗佢 Butter X Garlic, 因為太好食，我食咗一舊就已經比同行友人食晒 😂 所以鍾意辣嘅我決定再叫咗個lava 炸雞，同樣出色。同行友人其中一個唔食辣嘅，都食咗兩舊。咁當然我又唔夠食啦，所以叫埋佢個烤五花肉。呢個係我以前讀大學嘅回憶，以前同屋住嘅韓國朋友，整過好多次五花肉俾我食，次次食都覺
估唔到今次係完全掉轉，係實在太正啦，忍唔住都要寫篇食評讚吓。
諗住同啲酒友去尖沙咀諾士佛台嗰度飲杯嘢，見到呢間新開嘅韓式酒吧，好似幾得意，就上去試吓。估唔到咁驚喜！
一上到去，見到成間機舖咁嘅feel，有晒我以前最鍾意打嗰啲跳舞機，又有我最鍾意嘅籃球機，淨係睇到都已經加晒分！
重點嚟啦，又鍾意飲酒，又係食肉獸嘅我，一嚟就叫咗個炸豬手。比起一啲德國啤酒場嘅炸豬手，呢隻簡直係有過之而無不及。超級Juicy，個皮又勁危，唔會太死鹹。仲要切好晒，啖啖肉。食起上嚟一啲都唔麻煩。
見佢豬手好食，就諗住叫埋炸雞試吓啦，都係非常有水準。味道拍得住出面專做韓式炸雞嘅舖頭。應該係即叫即炸，出到嚟熱辣辣已經加晒分。味道選擇又多，首先食咗佢 Butter X Garlic, 因為太好食，我食咗一舊就已經比同行友人食晒 😂 所以鍾意辣嘅我決定再叫咗個lava 炸雞，同樣出色。同行友人其中一個唔食辣嘅，都食咗兩舊。
咁當然我又唔夠食啦，所以叫埋佢個烤五花肉。呢個係我以前讀大學嘅回憶，以前同屋住嘅韓國朋友，整過好多次五花肉俾我食，次次食都覺得一碟可以送幾碗飯。今次喺度食佢個五花肉，完全係韓國人做出嚟嗰種感覺。外面又脆，但係中間仲保持住五花肉嘅肉汁。調味啱啱好。包埋個菜同埋生蒜，正到酒要即刻再叫酒。
咁講到酒，又係另一個highlight！首先佢有韓國嘅生米酒，仲要正宗用碗飲，所以一到步就已經即刻飲咗一支。
咁之後唔使講，嚟到韓國餐廳就梗係每人整返杯燒啤啦。又係冇得輸之作。其實喺香港嘅其他韓國餐廳，唔知點解燒啤又唔係咁常見。
之後同行朋友有兩個叫咗啲其他嘢，一個叫咗檸檬青瓜燒酒，一個就叫咗荔枝味嘅刨冰啤酒。我個人唔係特別鍾意甜嘅酒，不過店員同我哋講，可以先食晒啤酒上面嘅刨冰，之後再飲啤酒。我都試咗幾啖，其實都真係好唔錯。非常適合女仔飲。而個檸檬青瓜燒酒，就真係不得了。好飲到我自己之後都嗌咗一杯。好清新，所有嘢都好夾。燒酒嘅Cocktail其實都唔算好經常見到。所以又係一個驚喜。
到最後，因為可能飲得太多酒，我自己就叫咗個黑松露芝士炸醬撈麵配煎蛋。唔係講笑，呢個一定係必食。我食過咁多撈麵，呢個真係做得非常非常之好食。我叫完之後，結果同行友人每人叫咗一碟嚟食。真心旨味無窮！
由於旨味實在太勁，結果到最後決定試埋佢個有氣清酒。感覺佢同我第一次試嘅一隻日本有氣清酒非常相似，不過佢呢度呢隻，好似同佢呢度啲嘢食特別夾咁樣。而且酒精度唔算高，又係另一個鍾唔鍾意飲酒嘅人，男男女女都會愛上嘅有氣清酒。
所以我嘅結論係，每次行到去諾士佛台，與其喺樓下求其搵間嘢飲嘢，不如就直接上去呢間啤啤bear韓國包車，無論食嘢定係飲酒，都真係好有驚喜。最緊要係咩啊？就係佢呢度啲店員非常有線，仲要個個講廣東話，同樓下嗰個Vibe係完全唔同.
张贴