金鶴拉麵 (澳門逸園中心) (已結業)

金鶴拉麵並不只有拉麵，鰻魚飯一樣出色。同朋友聚會，朋友話想食日本嘢，我哋就嚟咗金鶴拉麵，今次我哋叫咗鰻魚飯同雜錦串燒，想食啲蔬菜就再叫咗一串燒冬菇試吓。蒲燒鰻魚飯定食$238定食配左湯同魷魚小食無論係鰻魚、飯定醬油都非常講究，鰻魚相當肥美，燒到有微微炭香，配上醬油同白飯，好好味。雜錦串燒$188即叫即燒，有八串，每一串都各有特色，除左有不同部位既雞串，仲有豚肉串，呢個雜錦串燒，滿足到三心二意既客人。最驚喜係月見燒雞肉棒，好入味，而雞翼皮脆肉嫩，如果配返杯啤酒，就真係一流！ 冬菇串燒$28平時自己燒冬菇，一定燒到乾爭爭，但係餐廳點，就燒到好juicy ，又保留到菇既鮮味，唔錯。以後去金鶴拉麵，除咗食拉麵，仲有好多選擇呀。