一品燒 (已結業)

平時去串燒店，感覺都係價格頗貴，而且未必飽肚，但今晚黎到一品燒，各方面都令人滿足！蒜香蒸扇貝，非常之惹味，用香蔥，蒜容帶出扇貝嘅鮮味，而扇貝入口彈牙，值得一試！釀雞翼非常好食。雞翼內完全去骨，而且有充滿肉汁嘅餡料，令人吃得津津有味！值得一讚仲有雞翼外皮，有蜜糖嘅點綴下，份外吸引！鱔肉燒得到位，鱔皮香脆，鱔肉飽滿而新鮮，令人想多吃兩串！豬頸肉肉質爽口，配上沙嗲醬更加滋味！燒牛扒也不錯，牛香味濃，而且夠嫩口同埋juicy, 值得推介！