更多
2018-11-02
611 浏览
上個禮拜,我地一家又出左去食飯。呢度嘅中菜都算好抵食,我地都叫左一個發發推介,就係豉汁帶子蒸豆腐。仲有水晶蜜桃咕嚕肉,同埋上湯焗龍蝦。呢個就係上湯焗龍蝦,仲加左伊麵底。估唔到呢隻龍蝦咁有肉,d肉仲好實淨,伊麵吸收曬龍蝦d精華,好鮮味。呢個豉汁帶子蒸豆腐,賣相好靚。豆腐蒸得好滑,而帶子味道鮮甜,不過豆豉鹹左d,整體都好夾。呢個水晶蜜桃咕嚕肉,顔色好靚。咕嚕肉整得好脆,肥瘦均勻,而且唔係好大塊,一口一啖,味道酸酸甜甜,令人胃口大開。
张贴