燒肉ONE (已結業)

銅鑼灣眾多餐廳之中想食燒肉近近地就可以黎呢到試下😋主打牛肉但都有好多部份海鮮同日式燒烤小食都可以燒添！例如燒菠蘿，蕃薯仔，芝士年糕等等！第一個燒肉餐叫左美國牛胸腹+美國牛板腱+南美洲牛舌套餐，配生菜，沙律同CocoBerry雪糕。第二個就美國牛小排＋美國牛板腱套餐美國牛小排+美國牛板腱配紫菜溫泉蛋飯，日本枝豆同日本泡芙😍配菜可以揀麵豉湯，枝豆或者沙律，感覺上比其他燒肉店前菜選擇多左🫣而甜品都可以之後叫店員上或者即刻食添👍🏻扇貝超級鮮甜真係超級好味！冇諗過燒肉店都可以食到海鮮🥹芝士年糕燒完表面脆脆地入面濃郁芝士味真係好正呀！今川燒有奶黃同草莓餡可以揀，我同朋友都揀左奶皇味，甜度適中真係好食😋肉質方面脂肪分配平均而且燒完都有甜甜嘅燒烤汁好好味🤤而且仲有好多汁可以揀，多到眼花撩亂呀簡直😂ps.除左燒肉其實餐廳仲有丼飯可以食😍最後環境方面都幾大，坐得舒服👍🏻👍🏻午市仲包飲品同唔收加一，平時喺銅鑼灣行完街想食燒肉絕對可以一試呀！