閨•家 (美基樓) (已結業)

由屯門富健花園到而家新墟既「閨·家」，繼續以住家feel無味精為吸引點，仲有招牌既豬扒蓮藕餅同埋每日足料靚湯，係隔離睇完戲點可以唔支持下兩母女既心血 💛✨ 餐廳以粉紅色為主調，牆壁仲畫上好有回憶既屯門地標，用手機掃code就order到野食啦 🤗 ⁡🐻の試食‼️⁡✨香煎蓮藕餅豬扒飯 $52✨真·手撕雞飯配砂薑汁 $50⁡招牌既蓮藕餅豬扒一次過品嚐，蓮藕餅真材實料，豬扒仲要用鮮榨果汁及祕制醃料人手逐塊搥鬆，鬆軟帶甜加上蔥油雪菜，無得輸呢 🥹 手撕雞真人手撕成雞肉絲，夠肥美唔會鞋，點埋沙薑汁好岩送飯 😋 最後要一讚附送既當日靚湯，每盅都有滿滿材料同埋媽媽的味道呢，🐻都好少會飲曬一盅湯，證明佢夠正啦 ✨💛