影片
更多
2016-10-25
358 浏览
上月尾,收到店方试食邀请电邮,于是约好前(23-10-2016 Sun)晚,同老公o黎呢o度食,当埋佢o既生日饭啦.呢o度o既环境,枱面布置,睇见咁多篇食评,都唔使我再多讲啦.我o地坐低后就拣套餐,套餐价钱由主菜决定,由$498.00至$648.00不等.我o地要$548.00o既脆鳞马头鱼配黑松露南瓜汁,同$648.00o既烧龙虾阔条面配西班牙番茄酱.但侍应话脆鳞马头鱼冇晒.咁早就冇晒?咁我o地改啦,佢o地建议$528.00o既慢煮黑毛猪柳配玉桂苹果蓉,烧菠萝.我o地亦都拣埋甜品先,草莓仙子似乎成为必食,几乎每篇食评都出现,既然系咁,我都趁热闹,order埋呢个.另一个老公就拣熊仔造型o既罗勒叶朱古力(睇o黎佢系公主),但侍应话呢冇,变o左狗仔,不过都系check check有冇先,咁不如顺便话俾我o地知边啲有.佢返o黎话俾我o地知后,我o地就决定要手袋造型o既紫薯乳酪(又系我公主老公o既决定).真系order完等食喇.佢o地自动送上五款自家制曲奇俾我o地,由下面逆时针数起为:粉红玫瑰,榛子果仁,黑朱古力,芝士同西班牙火腿.西班牙火腿咸,味道最浓,但浓极都唔会好浓;芝士味好出;黑朱古
呢o度o既环境,枱面布置,睇见咁多篇食评,都唔使我再多讲啦.
我o地坐低后就拣套餐,套餐价钱由主菜决定,由$498.00至$648.00不等.我o地要$548.00o既脆鳞马头鱼配黑松露南瓜汁,同$648.00o既烧龙虾阔条面配西班牙番茄酱.但侍应话脆鳞马头鱼冇晒.咁早就冇晒?咁我o地改啦,佢o地建议$528.00o既慢煮黑毛猪柳配玉桂苹果蓉,烧菠萝.
我o地亦都拣埋甜品先,草莓仙子似乎成为必食,几乎每篇食评都出现,既然系咁,我都趁热闹,order埋呢个.另一个老公就拣熊仔造型o既罗勒叶朱古力(睇o黎佢系公主),但侍应话呢冇,变o左狗仔,不过都系check check有冇先,咁不如顺便话俾我o地知边啲有.
佢返o黎话俾我o地知后,我o地就决定要手袋造型o既紫薯乳酪(又系我公主老公o既决定).真系order完等食喇.
佢o地自动送上五款自家制曲奇俾我o地,
由下面逆时针数起为:粉红玫瑰,榛子果仁,黑朱古力,芝士同西班牙火腿.西班牙火腿咸,味道最浓,但浓极都唔会好浓;芝士味好出;黑朱古力食到微苦;榛子果仁普通,冇特别;粉红玫瑰就好花味,唔太甜.
然后到starter,茴香沙律配帕马臣芝士同番茄沙律配水牛芝士,松子仁,罗勒.两款starter一齐到,侍应同我o地讲,两款捞埋一齐食.捞埋一齐食?一个餐跟一个starter,我o地叫两个就话有晒两款可以捞埋o黎食啫,咁讲法,即系如果单独食其中一款就唔好食?
我唔捞喇,逐样食,先食茴香沙律配帕马臣芝士,
呢个酸酸地,几醒胃,但我觉得味道有少少怪.番茄沙律配水牛芝士,
其实冇乜特别 水牛芝士味道淡,车厘茄新鲜.
然后到头盘,同样要晒两款,生牛肉他他,黑松露,蛋黄同自制果酱,香脆包条.侍应介绍自制果酱,香脆包条上o既芝士,好似话加o左苹果造成.我先食呢个,
包条的确香脆,自制果酱唔甜好清.芝士亦唔太咸,或者系佢加o左o既苹果果糖中和o左吧.而生牛肉他他,黑松露,蛋黄,
侍应又介绍绿色o既系由生菜打成o既茸,牛肉他他下面有啫喱,叫我o地捞埋o黎食.我又先唔捞埋o黎食,牛肉味道唔浓,口感滑,蛋黄同啫喱味道清到接近冇.然后到是日餐汤－丝瓜汤是也.从未听过用丝瓜做汤,今次真系大开眼界,而为o左模仿cappuccino,面上就用o左杏仁打成泡沫,再加少少番茄干装饰.
而店方亦刻意唔俾汤匙,不过呢个有问题,因为啲汤好热,泡沫好似做o左过桥米线面上o个层有保暖作用o既油一样,唔可以快饮,而且搅到我差啲渌亲,
我就真系要摇一摇个杯,令佢冻少少o黎饮.讲返味道,话系杏仁泡沫,我同我老公都饮唔到杏仁味,而青绿色o既丝瓜汤呢?冇草青味亦冇乜丝瓜味,只觉得口感顺滑,点解店方用丝瓜咁淡味o既o野做汤?系为o左配衬返佢o地清淡o既风格?如果系,咁就系用o岩o左.
之后系是日雪芭, 是日雪芭系青柠味,
酸同清新就固之然,但我食到少少涩味.清完味蕾,终于到主菜出场,主菜o黎到,令我有啲失望,就系份量超少,o个一刻,我即刻谂,我同老公够唔够饱?我先食烧龙虾阔条面配西班牙番茄酱,
龙虾肉藏o系阔条面入面,大大旧o既,
重有两旧我留俾老公.
阔条面弹牙,龙虾肉却唔系爽口兼食唔到龙虾味,西班牙番茄酱味道唔太浓,但稠杰度o岩o岩好,OK o既.不过老公话佢o个两旧龙虾肉爽口㖞.到慢煮黑毛猪柳配玉桂苹果蓉,烧菠萝.
猪柳厚切,肉系粉红色,
口感松软唔o鞋亦唔干,但我觉得油腻,而味道系唔咸.配菜o既红椒竟然唔系甜而系苦,饮啖水食又冇事,睇o黎系啲汁影响佢.而烧菠萝,我觉得佢唔甜,不过亦好彩唔干.到甜品喇,先食紫薯乳酪,
紫薯味又系清淡近乎冇亦唔甜,布里有少少蛋糕.
最后系高踭鞋造型o既草莓仙子,
佢熔得好快,草莓味唔酸亦唔太甜.热情果味雪糕亦然,正正常常.真系到最后,最后系餐饮,老公要薄荷茶,我要草莓红茶.
草莓红茶只有香味系有草莓味,饮落系冇o既,但口感滑,味道够但唔算好浓.而老公o既薄荷茶呢?冇薄荷o既凉快感觉.味道微苦,怪怪.
总括:
卖相极精致似艺术品,系有心机,不过份量好少(或者因为系法国菜吧),但仍须注意食物质素,始终唔系平,我明白信和广场舖租唔平,毕竟客人唔系只为食卖相啰.
由于店舖早已知我系试食,所以我o系味道,服务同卫生都减o左啲分.
味道: 2.58分 环境: 4.5分 服务: 4.5分 卫生: 4.5分 抵食: 2.3分
张贴
