63
36
36
等级2
22
0
2011-07-27 4 浏览
本來訂左枱食炸猪扒,後來怕熱氣朋友又話呢間唔錯所以轉左食呢度。酸辣無骨鳳爪沙律因為大家都唔食得辣,又得呢個同柚子沙律的醬汁先可以分開上所以叫左呢個。但估唔到個汁好香酸酸地又唔係好辣,個辣味係個口度慢慢帶返出來好好味,鳳爪凍凍地本身就無乜味但就幾爽口,加埋個汁好開胃,唔錯!炸蝦餅炸得個面幾香脆,但個餅心就空既,如果佢可以做返個蝦餅心肥滿d,食落個口感彈牙d就好喇。攬角肉碎炒蜜糖豆攬角肉碎帶有好濃好香既咸肉味好正,個蜜糖豆都好爽脆,但入面就帶有少少草青味,兩者配合一齊食一清一濃又可蓋過草青味非常好。其實如果用肉碎撈其他麵飯食都會相當好味。咸蝦醬猪肉炒飯唔記得叫左個攪角肉碎係帶咸,仲驚緊兩個都帶咸會食唔到,點知放到口邊有好香既咸蝦味但食落又唔會太咸反而帶有少少甜味,成個飯都炒得唔錯。環境方面,因為坐左入舖都ok,如果坐出面商場走廊位可能好嘈就麻麻喇。本來估佢會無九龍城的泰國菜咁有風味,但食落都有佢自己既特有味道比想像中好,份量都可以接受,整體幾度菜都唔錯,有機會會再來試下其他。
更多
本來訂左枱食炸猪扒,後來怕熱氣朋友又話呢間唔錯所以轉左食呢度。

酸辣無骨鳳爪沙律
因為大家都唔食得辣,又得呢個同柚子沙律的醬汁先可以分開上所以叫左呢個。但估唔到個汁好香酸酸地又唔係好辣,個辣味係個口度慢慢帶返出來好好味,鳳爪凍凍地本身就無乜味但就幾爽口,加埋個汁好開胃,唔錯!

炸蝦餅
炸得個面幾香脆,但個餅心就空既,如果佢可以做返個蝦餅心肥滿d,食落個口感彈牙d就好喇。

攬角肉碎炒蜜糖豆
攬角肉碎帶有好濃好香既咸肉味好正,個蜜糖豆都好爽脆,但入面就帶有少少草青味,兩者配合一齊食一清一濃又可蓋過草青味非常好。其實如果用肉碎撈其他麵飯食都會相當好味。

咸蝦醬猪肉炒飯
唔記得叫左個攪角肉碎係帶咸,仲驚緊兩個都帶咸會食唔到,點知放到口邊有好香既咸蝦味但食落又唔會太咸反而帶有少少甜味,成個飯都炒得唔錯。


環境方面,因為坐左入舖都ok,如果坐出面商場走廊位可能好嘈就麻麻喇。

本來估佢會無九龍城的泰國菜咁有風味,但食落都有佢自己既特有味道比想像中好,份量都可以接受,整體幾度菜都唔錯,有機會會再來試下其他。
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2011-07-26
等候时间
2 分钟 (堂食)
人均消费
$120 (晚餐)
庆祝纪念
生日