祝ご 居酒屋 (已結業)

📌祝ご居酒屋餐廳係樓上鋪，座位闊落，裝修帶有日本風情，餐牌大致有刺身、串燒、揚物、鍋物及多款清酒🍶入座後店員送上前菜米糠漬（$20/位）不妨跟隨日本文化先點杯酒再慢慢落單🔖［ 豚肉芫荽卷/ 豚肉大蔥卷 ］串燒一客有兩串，豚肉分別包住清香芫荽🌿及大蔥，外型飽滿🍢望見已經胃口大開豚肉油脂香同芫荽及大蔥香味平衡加上燒汁，味道有層次，一口一件大大滿足🔖［ 雞肉大蔥 ］雞肉口感軟嫩，肉質有彈性，醬汁微甜大蔥烤得恰到好處，食到食材原有清甜又唔會太乾👍🏽🔖［ 柚子胡椒雞翼 ］廚師推介之一，雞翼燒得金黃香口，外層帶點柚子香，肉裡肉質juicy，相當惹味🔖［ 自家製免治雞肉棒 ］免治雞肉棒混合雞軟骨粒粒，好有口感配上蛋黃及醬汁，食落有蛋香及醬汁香甜🔖［ 熱烏冬/ 明太子茶漬飯 ］想飽肚啲仲有烏冬及茶漬飯等選擇，茶漬飯嘅飯團稍微燒過，外層帶焦香，相當有心思，細節位都顯出餐廳誠意十足🔖［ 揚豆腐 / 日式炒野菜］豆腐外層金黃香脆，內裡綿滑炒野菜除咗有椰菜、蘿蔔絲，仲有本菇、露筍，炒得乾爽入味，加上木魚絲，更有日式風味