富臨皇宮

营业中

休息中

平晚酒樓都大半滿座，市道唔錯，樓高空間感好夠，枱與枱之間好闊，有大大水晶燈，光明乾淨，坐得好舒適，氣氛熱鬧。服務員們好勤力，由入座帶位開茶，換碟，上菜結賬都快，個個都好有笑容，好少見。海皇冬瓜盅（$68）好靚， 擺盤精緻，68蚊超值，用料豐富，少少咸， 好鮮味。冬瓜厚肉，雞粒，蝦肉，金華火腿片，蟹肉拆散，雜菇等。。有8至10碗。在冷氣房下，嘆住冬瓜盅，飲啖湯， 暑氣全消，必點。上湯澳洲龍蝦龍蝦新鮮，有大海的氣味，肉質彈牙。拆得都好開，方便入口。伊面乾爽，條條分明，醬汁唔會一舊舊，唔錯。即燒BB豬（$68）：唔肥， 個皮堅脆，由醬汁加少少糖，味道更香。桂花糕桂花糕淡黃通透，挺身微香，有彈性，唔太甜，作完美句號。