話佢哋嘅串燒出品平民得嚟又好高質
呢幾日忙完手頭上嘅工作
終於有機會出去大角咀品嚐一下呢間小店嘅串燒😜
串燒嘅種類好多 我哋每個類別都點咗少少試試
呢晚小店座無虛席 由於串燒全部即叫即燒
於是我哋就喺Concert YY嘅音樂合輯陪伴下 嘆咗成晚串燒 當然 順便又暗自懷緬一番歲月不饒人😌
******************************
食物s:
🦑鹽燒原條大魷魚 ($88)
原條大魷魚熱辣辣奉上 頗有誠意
魷魚醬汁係正宗嘅泰式辣醬風味 酸酸辣辣咁
醬汁入面可以見到有好多辣椒籽
魷魚火喉掌握得啱啱好 唔會過老保持嫩度
魷魚鬚香脆 魷魚肉肉質煙韌彈牙 帶有咸鮮味
擠埋檸檬汁🍋 酸酸地辣辣地 好好味👅
🦐蒜蓉燒開邊大虎蝦(2隻) ($68)
虎蝦大大隻 蝦肉口感非常實在 食落啖啖肉❣️
而且好新鮮 完全唔會霉 而且仲有好多蝦膏
用料上乘相當有誠意🫶🏻
加上大量嘅蒜蓉調味 蒜香味香濃 超鐘意😍
🐮極尚鹽燒牛舌 ($38)
牛舌面上沾有七味粉 調味較得唔錯
味道好香 食落口感好爽口
🐷汁燒脆邊五花腩 ($18)
汁燒五花腩嗰邊燒得幾香脆
食落少少辣辣哋 有油脂香味 充滿肉汁
🐖黃椒脆邊五花腩 ($18)
老闊娘誠意推介之作🫶🏻 肥瘦比例恰到好處
用上另一款調味製作嘅五花腩
加入黃椒同蔥花 食落充滿辣勁🌶️
愛辣人士必試❣️
✨鹽燒鹿兒島黑豚肉 ($38)
黑豚豬肉嘅質感食落比五花腩先更為厚身
以鹽燒製 面上更抹上黑椒粒 特別有風味
食落油脂味特別香濃
🍢蜜糖燒台灣花枝丸 ($18)
喺面頭已經見到裡面係有花枝㗎❣️唔係粉嚟
肉丸口感彈牙 略略烤過更香口
🍢燒秘製原粒手打潮式牛丸 ($32)
店主特意由潮汕取貨 夠地道
口感實在彈牙 好有咬口 仲好有肉汁添
🐥雞髀肉($9)
呢個真係抵食之選 期間限定半價優惠9蚊一串❣️
選用食脾肉部分 特別嫩滑而且充滿肉汁
✨汁燒鮮冬菇 ($16)
鮮冬菇燒得唔會過乾 清清哋咁
🥒汁燒翠玉瓜 ($16)
對我黎講 翠玉瓜燒得軟熟就係成功
而呢度做到了 好juicy呀😝
✨香燒孜然韭菜 ($16)
韭菜串有滿滿嘅孜然香味
配上白芝麻粒 鹹鹹香香咁
燒得唔老身 幾好食
🍆蒜蓉燒原條茄子 ($48)
原條茄子賣相真係好靚
茄子燒得夠軟熟 舖滿蒜蓉 大愛呀❣️
✨蒜蓉牛油焗金菇 ($32)
牛油同蒜蓉嘅比例恰到好處
好鐘意佢嘅調味啱啱好 唔會好鹹
每條金菇都索滿曬蒜蓉汁 既香口又juicy😝
🧃大杯凍檸檬茶 ($25)
大大杯25蚊 好抵飲❣️ 配串燒食 解渴一流
🍻生啤 ($58)
啤酒配串燒 儀式感就係咁簡單😂
******************************
小結：
如果唔係朋友推介 非本區居民未必會認識呢間小店
見到佢哋好用心研製唔同口味嘅串燒
唔係單用一隻調味粉走全場 態度值得欣賞🫶🏻
串燒嘅質素亦幾高 每一款都好好味
性價比高 值得比更多人認識
小店夜晚主打串燒 而日頭仲有日式丼飯賣㗎～
沿住奧海城行 大約行多幾分鐘就可以去到
如果有去開呢頭嘅不妨試試呢間咁有heart嘅小店🫶🏻
1
