意粉屋 (已結業)

今日喺呢頭做完野~所以搵地方醫肚~緣份引領黎到呢到~見好耐冇黎所以入去幫襯下~一入去唔算好多人~服務員安排左去個清靜的地方~感覺舒服睇下份餐牌~佢話會員下午茶餐第二份半價~緊係要認真支持下LA!好想飲湯又想食D特別D既野~所以今日黎個新嘗試.吉烈豬扒 + 巴馬火腿忌廉湯天使麵 - 上枱時實版同張相有少少差距~差D令我唔記得自己點左乜野~哈~原本放喺湯入面巴馬火腿,變左放喺豬扒隔離,令到D湯帶唔到巴馬火腿的咸味~湯款係可以揀雜菜湯定係忌廉湯,原本諗住巴馬火腿同雜菜湯味道唔係咁夾,所以揀左磨菇忌廉湯,忌廉湯飲落有點浠,一般餐湯,唔特別,天使麵質感好幼細~彈牙好味~一條一條唔覺煮得太淋~吉烈豬扒炸得過火~乾身左少少~有點縮水,好難切~如用返個細少少的碟子~相信睇落更易令人接受~炸三文魚草菇 - 略嫌炸得唔係咁夠火~雖然上枱係熱的~但食唔切放耐左草菇有水流出~夾雜住三文魚汁,令到成件出品變差左~最後餐飲點左熱檸水成今餐的句號..見第二份有半價~所以將要求放下點~總括黎講..算係見識過佢的出品~真心希望佢地他日可以有所進步