倫哥尚品火鍋私房菜 (已結業)

倫哥私房菜好出名，有好多藝人都黎食。可能因為係個藝人有份開既關係？！所以今日就去試一試睇下好無味先！佢有好多間分店。今次我揀左觀塘呢間。今次我地成8個人，所以被安排左入房食。可以靜靜地，自己人傾下計都幾好。但又因為係房既關係，好難叫人點單……🤔仲要放題，每次點餐都要走出去搵人……一開始佢會先黎個雞煲你食。雞唔算多，亦唔夠滑。但個味道幾好味。亦會上啲小菜你食。蒜蓉粉絲聖子，鮑魚👍👍以為有兩個爐，可以一齊用。點知原來要食完哂個雞煲，先可以打邊爐……海鮮蟹鍋湯。都好多海鮮👍👍仲有個海鮮併盤。d海鮮都幾新鮮！唔夠！每人大概都有一隻！安格斯牛都幾好味！其他餸都唔錯。但追加既野食選擇唔多……總括黎講都唔差，但價錢都唔平。同員工既服務需改善下。