喜咖哩 (已結業)

依排都老公放假都係留係屋企多, 反而就試多左屯門d餐廳, 今日就簡左依間叫喜咖哩既餐廳, 好近紅橋站, 附近一帶都好多食肆, 但依間價錢好親民, 一個飯都係$50有找, 晚餐唻講真係好平！我地今日分別叫左咖哩牛腩飯同埋豬頸肉蕃茄通心粉, 份量唻講都唔少架！老公話個咖哩飯都幾出色, 味道唔算好辣但幾香, 如果有多d薯仔就更好！至於我既豬頸肉就好爽口, 煎到好香, 又唔會太肥, 配埋酸酸地既蕃茄通心粉就好開胃, 總括唻講係一間好親民但食得出好有心機既餐廳