豆花妹撈米線

呢個豆花撈米線上過電視,就連開幾間分店。分店開左響元朗,放工就去試下。
成日聽人講話好平好平10幾蚊有一個米線。但去到,多數都係套餐,唔知係咪真係通脹問題,已經無10幾蚊果回事。
叫左個豆花撈米線,加左個手拍青瓜,再配多個豆漿。手拍青瓜,無拍過,三大條。我覺得豆花唔錯,的確配米線撈黎食幾特別,係食到豆花好滑好豆味,不過如果可以再多d豆花更好。醬汁都幾惹味同濃味。但係米線食到尾有d碎得滯食唔到。

如果整體來講,只係覺得上過電視出名,豆花配撈米線係配搭新鮮,其實味道普普通通,我都係鍾意食番有熱湯的米線多d。

豆花撈米線加手拍青瓜同豆漿

$28