My Burger (東廣場)

营业中

休息中

之前試咗好多唔同嘅款式，今次本身係想食麥當勞嘅，因為出左個新包掛。。麥當勞連個門口都入唔到，真係想買都買唔到。咁又想食漢堡包，再嚟呢度試吓其他唔同嘅味道。一如既往就食番我最鍾意食嘅素漢堡 ，就係大蘑菇漢堡。唔使多講呢就係一個好多汁嘅大蘑菇配生菜，沙律醬，仲有啲黑松露醬嘅味道好好味。我嘅至愛。另外就是咗個牙買加雞堡，唔知係咪今日佢嘅手勢有失凖嘅關係啦，未食嗰陣時候見到佢塊貓已經成塊黑色甘，好似整到好乾好濃。雖然雞扒嘅size都幾大比個漢堡包大足足一半，但的確味道麻麻。 雞扒係經過淹制嘅，食落去有少少類似咖喱嘅味道，有少許辣，但實在煎到過火，肉質已經好乾，而且啲肉太薄無口感。唔多得。聞說好似之前冇幾耐介紹過拒，所以好似越來越多人去冒名試吓呢一間野，唔知係咪因為咁嘅關係，真係手忙腳亂掛，令到質素有啲下降呢，定係本身呢一個雞堡係唔好食呢？下次再試吓其他嘢再話比大家聽！