唐人坊 (已結業)

原來紅磡崇潔街有間岀前一丁既主題餐廳「唐人坊咖啡餐廳」老闆喺岀前一丁既忠粉，私藏大量岀前一丁既精品。直情好似將餐廳整到博物館咁呀除咗出前一丁煮得好味之外，呢度嘅無骨海南雞同網球拍雞髀都係好岀名㗎！出前一丁自己煮湯麵就食得多啦！所以今次我叫左個撈丁，配上丘比沙拉汁焙煎芝麻口味。結果意想不到咁好味呀！網球拍雞髀一上枱我都「嘩」咗一聲，雖然就冇網球拍咁大個，但都有乒乓球拍咁大㗎！外層雞皮炸到好脆，一啖咬落去除咗好厚內之外，入邊雞肉仍然非常滑嫩。食一隻已經大滿足啦！不得不讚餐廳煮既岀前一丁真係特別好食呀！無overcook，仲食落公仔面有彈性，自己真係煮唔到。