尚素 (已結業)

呢家素菜館嘅餐牌五花八門，非常多唔同嘅餸菜可以選擇。今次叫咗兩個主食，六個小菜。四個人食得超飽！呢個重慶龍口粉絲炒得幾香，食落少少辣，味道幾好！香菜花蝦多士望落去同真嘅蝦多士差唔多樣，食落去更加似！佢做到外脆內彈牙，多士上面嘅蝦，同真蝦完全冇分別。另一個細心位係蝦上面嘅紫菜，佢唔係普通嘅紫菜而係Wasabi味，食落更開胃！花枝片炒翠玉瓜份量都幾多，素花枝片都做到彈牙嘅效果，翠玉瓜唔會太硬！呢個素咕嚕肉味道酸酸甜甜，外面有少少脆。牛肝菌香煎芙蓉鮮竹非常值得推介！首先佢好足料，其次係佢送飯食一流。另一個超推薦嘅係黑松露松子炒飯。一上菜果下已經聞到超香嘅黑松露味，食落配埋啲脆脆地嘅松子，口感好豐富！柑桔蜜唔會太甜，正！麻婆豆腐少少辣，豆腐好滑！