Dim Sum Library (已結業)

依間餐廳pp 都有分店，今次試elements依間舖，舖面大過pp果間好多！入面的點心以fusion為主，同埋個人覺得煎炸野比較多因為都食咗幾多款點心，但係無次次都影，以下係講啲比較值得試嘅點心。首先就係黑椒和牛卷，不過呢個唔記得影相。 佢嘅外型係好似蘿蔔絲酥餅一樣，好脆口，幾惹味幾好食嘅。之後係煙燻脆皮黑松露雞。佢上面再鋪左幾塊脆雞皮，下邊就係撲開咗一疏疏嘅黑松露雞肉，係非常之好味嘅。但係分量就偏小，以下圖中嘅係半隻雞嘅份量嚟嘅。呢個漁魚香茄子嘅造型好似華夫咁，食落去好好食。佢個脆粉調得好好，同炸茄子個口感非常之夾。唯一可以改善嘅，係佢啲魚香茄子配料好散，難癡咗喺條茄子度。亦都叫咗呢個海膽蟹肉春卷。佢個海膽我覺得唔算特別好食，畢竟唔係一間日本餐廳。但係佢個春卷入邊啲蟹肉我覺得係好足料，同埋調味調得好食嘅，同海膽幾配。如果我下次食，可能會撩走上面啲海膽直接食個春卷。然後影左一個小籠包嘅相，我唔記得咗係咩配料了，有羊的騷味（唔知有無羊），又無好多肉汁咇出黎。不建議點～