會景餐廳 (已結業)

終於好辛苦搞完個 event，都叫大功告成，老細就一如以往帶我地幾丁人去慶功。話曬咁大壇 event，梗係要食大佢啦，於是老細就好豪咁請我地去食 buffet，但就去左較為冷門既會展，本來見佢個價錢平過五星酒店成舊水，就冇咩期望既，點知食完之後大家都勁讚，簡直係物超所值。去到會展先知而家做緊 D 法國野 promotion，沙律台又窩牛又鴨胸咁，家埋海鮮台 D 法國蟹，鮮甜程度搞到我食完已經飽左一半。根住去飲埋個龍蝦湯，真係落足料有成隻蝦o係裡面，又飲左兩碗。同事見我食頭盤食得咁多，即刻話我蝕曬，原來仲有鵝肝同焗窩牛！但我真係要時間落落格，唯有睇住佢地食，周圍望望，發現佢個景都幾得喎，衰在出面仲有工程，唔係就真係靚曬。跟住再食左 D 熱野，同埋食埋我最愛既魚生，要重點推介蒸黑松露蛋白，D 黑松露菌超香，之後飽到食唔到甜品，算係今餐最大既遺憾。今餐價錢位位 368 加一，我就再叫多左杯可樂，六人以上八五折，真係超底。我真係好想知到底佢收咁既價錢會唔會蝕本，定係其他酒店食水太深呢？