火山燒 (已結業)

放題我食過好多間，串燒我都食過好多間，但係串燒放題就真係第一次，所以去之前已經十萬個期待！餐廳位置方便，地鐵站一出，幾分鐘就行到。去到先知係無火燒烤黎！石頭熱度驚人，間唔中仲會自己起火，職員會過黎噴水撲火！不同的調味料，任君選擇。因為大家都肚餓關係，即刻燒最快熟嘅野－牛肩肉、牛舌心。特別推薦牛肩肉，薄切、肥瘦均勻、牛味足，燒一燒好快食得，非常香口。另外一款叫咗好多轉嘅－漢堡扒。漢堡扒非常足料，唔會燒燒下散開晒。個人最鍾意嘅食法係灑上少少黑椒，再搽上日式照燒汁，真係食指大動！多春魚好新鮮，但係燒起上黎都幾考技巧…稍為唔留意，就會全條痴住個爐…後尾開始掌握到技巧，燒到完整一條，真係非常感動呀！另外加錢要咗一個海鮮盤。咁多款當中，個人最鍾意元貝同鮑魚。元貝食落冇沙，鮮甜多汁；鮑魚肥美，口感煙韌。全晚最有驚喜可謂呢隻雛雞，水準之作！一上枱已經聞到濃濃嘅香料味，但係食落去，唔會覺得香料味蓋過雞味。火喉亦恰到好處，保留肉汁，肉質鮮嫩，非常惹味。最後，飯後水果－燒菠蘿。建議唔好燒太耐，因為會乾水。稍為烘一烘，暖暖地，已經食得架啦。總結：餐龐環境舒適，食物質素中上。另外值得一讚係抽油煙機非常好力，唔會