泰發泰國餐廳 (已搬遷) 新店位置

今日心血來潮想試下食泰國野! 次次去食泰國野都會叫泰式炒椰菜苗 因為去其他鋪頭冇得食架! 椰菜苗同其他菜唔同係會脆口D 所以落埋果D泰式香料炒就會好襯好惹味 哩度嘅都幾新鮮 咬落都爽口 又唔會炒到過火太林 不過好似唔係好有味 唔夠香口. 我覺得可能落多D調味料 另外 仲叫左個魚 都係普通啦 上到枱個窩都唔再熱 平時可能D汁會'炸炸'聲 不過哩碟就冇 我地再加湯上去都冇一個燒嘅感覺 加上當晚隔離果枱有十幾個女仔一齊食飯 係嘈到一個極點.... 下次都未必會再試~