影片
更多
2018-12-29
547 浏览
今日真係好凍，凍凍地最啱打邊爐，我地去到華苑，呢度一共三層，晚市二樓主要做小菜、三樓就火鍋，我地被安排到三樓，好在一早訂左枱，我地入座六點都未有乜人，但一到七點，全場九成滿座，好誇張，梗係啦，一凍就個個都想暖粒粒搞到個個店員都好繁忙啊，不過唔緊要，我地唔係第一次食，可以自己照顧自己。個場都算大，枱櫈闊落，仲有電視。原本想打邊爐，但見到餐牌有蒸氣鍋，諗諗下又好喎，不如試下蒸氣鍋。蒸氣鍋價錢係268一位，另收醬油加一，包左粥底、4款自選海鮮，人頭份量，另外有多款配料任食，例如松草花蒸雞、豬頸肉、牛肉、牛柳粒、肉丸、蔬菜、菇菌、糕點都有，仲有汽水任飲，食2.5鐘。火鍋任食店員先幫系地加左粥底，粥底三揀一：南瓜排骨、瑤柱淮山、雞粥，我地揀左南瓜排骨，蓋番個蓋就等配料上枱。期間我地走左出去拎蔬菜、菇菌、午餐肉、飲品，因為呢D係自取嘅。好快海鮮就上枱，自選四款：大元貝/象拔蚌仔/蟶子王/桶蠔/海蝦/鮑魚/龍躉/貴妃蚌，咁我地揀左呢四款，每人有兩件，非常吸引。蒸嘅時間我地都係隨心，按照平時我地食其他蒸氣鍋嘅時間蒸，如果有唔清楚，可以問番店員。大元貝用左蒜蓉、粉絲配，蒸一陣就食得，我地再加番D豉油，好
原本想打邊爐，但見到餐牌有蒸氣鍋，諗諗下又好喎，不如試下蒸氣鍋。蒸氣鍋價錢係268一位，另收醬油加一，包左粥底、4款自選海鮮，人頭份量，另外有多款配料任食，例如松草花蒸雞、豬頸肉、牛肉、牛柳粒、肉丸、蔬菜、菇菌、糕點都有，仲有汽水任飲，食2.5鐘。
火鍋任食
店員先幫系地加左粥底，粥底三揀一：南瓜排骨、瑤柱淮山、雞粥，我地揀左南瓜排骨，蓋番個蓋就等配料上枱。期間我地走左出去拎蔬菜、菇菌、午餐肉、飲品，因為呢D係自取嘅。
好快海鮮就上枱，自選四款：大元貝/象拔蚌仔/蟶子王/桶蠔/海蝦/鮑魚/龍躉/貴妃蚌，咁我地揀左呢四款，每人有兩件，非常吸引。
蒸嘅時間我地都係隨心，按照平時我地食其他蒸氣鍋嘅時間蒸，如果有唔清楚，可以問番店員。
大元貝用左蒜蓉、粉絲配，蒸一陣就食得，我地再加番D豉油，好大隻，好鮮味
蟶子王同樣用粉絲、蒜蓉、蔥配搭，好大隻，又係蒸一陣食得，完全唔老，仲好爽脆
蝦上枱仲係識郁，有誠意，口感爽彈，一meet個殼就知
鮑魚雖然未至於話郁，但都係好新鮮！配左少少松草花添。
跟住我地點左D配料，呢D係任食嘅，基本上都會好夠飽，因為臨尾仲有個粥架，而且D質素都唔錯！
點左松草花雞、蝦丸、豬肉丸、鮮牛丸、墨魚丸同牛肉，D丸睇落都交足功課
鯪魚丸同蝦丸都幾好食，彈牙！
牛肉薄片，好快食得。
牛柳粒難得幾嫩淋！
蒸雞都好有誠意，好滑。
蒸娃娃菜最甜
食完配料，我地點左個馬拉糕，又幾過癮！
最後店員幫我地起鍋，粥底煲到啱啱好。
可能蒸過雞，粥底都好有雞味，食完個粥暖粒粒！
张贴
