店舖不大，但職員都好快安排我地入座。
3
餐廳有幾款海鮮套餐，我地就揀左肉蟹餐，上菜速度都好快，好快就可以開餐。
仲有教學教點樣煮海鮮既次序同時間，有時我地掛住傾計，職員都會幫我地加水同提我地煮既時間，好貼心。
我地點左個肉蟹餐，本身套餐包6款配料，我地另外再叫左雪梨海底椰，唔太甜幾好飲。
1
海鮮都好新鮮，特別係隻肉蟹，份量好足，好鮮甜，其他海鮮都好好味。
同朋友食完海鮮之後，再食埋6款配料，有肥牛、響鈴、生菜、鮮蝦雲吞、花膠同埋牛丸
超級滿足，職員再幫我地煮粥，加左d 配料落去，真係食到好飽，不過個粥就略為淡味，鮮甜味不足，整體今餐都好滿意，下次會再同朋友黎食!
