老鍋台式火鍋 (京都廣場) (已結業)

今個星期氣溫急跌。最好當然係打邊爐，即時叫老公訂位老鍋。可能大家都咁諗，apps入面既10:30pm半價已經無咗。唯有食早塲介紹返個湯底，美人鍋拼麻辣。美人鍋有半隻烏雞，又有桃膠藥材等，好甜好足料，直頭可能當湯飲。麻辣鍋，算係香港做得唔錯，但鍋內送既鴨血就好似一次比一次少😛配料方面我既心水推介係香港少有既水蓮，勁香口既炸午餐肉，黃金魚皮（今次無叫），芝士牛丸，牛肚，同麻辣鍋好夾既寛粉同日本淮山今次嚟，發現佢既響鈴可以叫半份，即4條。啱哂我地呢d得兩個人既老鍋既大部份牛肉之前都有試過，但覺得一般般，所以而家已經少叫最後想講3間老鍋分店，我覺得呢間service 算係最好。亦無咩唔好既經歷。所以而家大多數都嚟幫襯呢間。