八屋 (已搬遷) 新店位置

本小姐係抹茶控，特別喜歡食同抹茶有關嘅食物，而因為雪榚係我嘅至愛，見到呢間近廣華醫院嘅cafe hachiko 有抹茶軟雪榚食就馬上黎試下啦。宇治抹茶軟雪榚抹茶味非常濃郁，軟雪榚入口好綿，夏日炎炎呢個日子嘆返杯雪榚真係消暑嘅好方法，最值得一讚嘅係佢地個雪榚筒好脆好好味呀。同行朋友試左佢地嘅冷萃咖啡，其實即係凍齋啡，咖啡味不但香濃，而且店主仲好細心地係裡面放入一大舊用咖啡整成嘅冰，一來可以保持凍飲嘅溫度，二來即使舊冰溶左之後飲品味道都唔會變淡。