影片
更多
2019-10-01
156 浏览
屋企人鍾意飲茶，但屋企附近嗰啲真係又貴又唔好食，今日就行過去新蒲崗試下clubone。去clubone出席婚宴就聽得多，真係啱啱先知原來呢度有普通飲茶。佢喺文理書院舊址隔離，因為唔係大型商場，附近又冇咩景點，公眾假期都好少人。不過少人又唔代表質素差喎，環境靜啲之外，服務都好好。我地叫咗幾個點心，坐咗2個鐘度，做埋會員仲有七折。叫咗兩個腸粉，呢個係叉燒腸，仲有個原隻蝦腸。個人認為叉燒腸香啲，但其實兩個都ok，腸粉皮幾滑，切定開晒六件，夾上黎都挺身唔會甩皮甩骨。平時我爸唔肯食素菜包既，但呢度整到成粒菇咁，個素菜餡又幾香，大家都食得開心。蝦餃大大粒，入面粒蝦肉好實淨，我鍾意佢冇加筍，真係淨蝦肉，爽口彈牙。另外仲有嗌雪山叉燒包，但唔記得影相。味道好過平時啲叉燒包或者叉燒餐包，外表脆卜卜，內餡叉燒都唔少，推介架～
去clubone出席婚宴就聽得多，真係啱啱先知原來呢度有普通飲茶。佢喺文理書院舊址隔離，因為唔係大型商場，附近又冇咩景點，公眾假期都好少人。
不過少人又唔代表質素差喎，環境靜啲之外，服務都好好。我地叫咗幾個點心，坐咗2個鐘度，做埋會員仲有七折。
叫咗兩個腸粉，呢個係叉燒腸，仲有個原隻蝦腸。個人認為叉燒腸香啲，但其實兩個都ok，腸粉皮幾滑，切定開晒六件，夾上黎都挺身唔會甩皮甩骨。
平時我爸唔肯食素菜包既，但呢度整到成粒菇咁，個素菜餡又幾香，大家都食得開心。
蝦餃大大粒，入面粒蝦肉好實淨，我鍾意佢冇加筍，真係淨蝦肉，爽口彈牙。
另外仲有嗌雪山叉燒包，但唔記得影相。味道好過平時啲叉燒包或者叉燒餐包，外表脆卜卜，內餡叉燒都唔少，推介架～
张贴
