楓 (已結業)

之前去過楓cafe覺得佢嘅出品唔錯, 今次見到有新品, 仲要係冰涼透心嘅乳酪雪糕🍦, 即刻去試吓😋！Froyo 希臘乳酪雪糕可以自由搭配組合, 有多達20種配料、6款醬汁俾你揀, 醬汁包括有芒果醬🥭、熱情果醬、士多啤梨醬🍓、脆皮朱古力醬🍫、抹茶醬🍵、焙茶醬, 亦可以揀已set好嘅口味同組合！我揀咗紅豆🫘、抹茶蕨餅、開心果碎做配料, 再搭配自家製小山園抹茶醬。個賣相平平無奇, 但食落真係有驚喜🤩！上面鋪上抹茶餅乾碎, 增添口感層次！乳酪雪糕入口軟滑, 好重乳酪味, 酸甜平衡, 非常開胃！啲開心果碎藏在乳酪雪糕中央位置, 所以要食到一半先會見到, 好大堆開心果碎💚 開心果味好香, 仲保持到脆脆嘅口感, 再搭配小山園抹茶醬🍃, 抹茶味好濃厚🍵, 又唔會太甜, 輕鬆食晒成杯！