南龍冰室 (已結業)

今日去銅鑼灣搵個朋友，順便陪佢食個午餐，好彩佢放飯時間係3點，冇咁多人，朋友話佢平時會去冰室，話下午茶都有飯食，又平平地，始終銅鑼灣食個午餐都真係幾貴。入到去真係好有懷舊感，天花上的雀龐真係好正。雖然已經係3點幾，但係都好多人，入到去都要搭枱坐。由於我12點時已經食過午飯，於是我點了個下午茶餐，熱狗配凍檸樂。熱狗賣相吸引，香腸唔係白烚，有煎香過，唔錯。朋友叫了個焗豬排飯，多汁，佢話豬排都好香口，新鮮，有少少燶燶地，係即焗，美中不足係少了一點芝士，同埋份量較少，不過下午茶餐其實都唔會係好大碟了。熱狗餐跟凍檸樂：$32焗豬排飯跟凍飲：$45