想搵間靜靜地可以坐得舒服又吾限時，
當然一諗就諗到係樓上Cafe
紅白色嘅設計，陳列左好多玩具擺設，
呢到都會擺放好多玩具遊戲提供俾客人，
不過好匆忙嘅關係冇影到相( ´▽｀)
（順帶一提陳列櫃裡封塵，有種朦朦朧朧嘅感覺）
叫咗一個Dinner set，
主食＋飲品，另外$15有一件蛋糕，
國王女皇王子公主係推介飲品，
我都無揀到，叫咗杯
水蜜桃梳打
味道偏淡，吾會死甜，
飲落梳打嘅比例比較多，
普通餐廳會飲到嘅味道，
如果相對Cafe就有啲失色，
因為Cafe最大嘅賣點就係杯嘢飲(*¯︶¯*)
E) 菠菜煙三文魚忌廉長通粉
菠菜較少，調味不錯，
但長通粉咬落有啲硬，不太入味。
A) 芝士蕃茄肉醬意粉
味道不錯，芝士多，麵嘅份量都好多，
反而意粉唔會太硬，口感好啲。
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
我經常中伏，正所謂隔離飯香，
我哋一行10個人A-G都有吃到，
主食：
F)香蒜忌廉蜆肉煙三文魚意粉
份量好大份，加咗蜆肉味道加分，
如果細食嘅女仔可以兩個人Share嚟食。
G)黑松露海蝦帶子意大利飯
觀感上好有美感，絕對唔會輸出邊嘅餐廳，
海蝦帶子望落新鮮，朋友話有黑松露味，
飯粒咬落有口感，每粒都食到有味。
（好推介大家可以揀以上兩款）
飲品：
玫瑰綠茶
易入口，香濃玫瑰味
原味朱古力
香滑，濃郁朱古力味
------------------------------
溫馨提示
鋪頭冷氣開到好大，坐係風口位有如置身寒冬，
所以夏天上去嘅時候帶多件外套，
加上一冷一熱好容易感冒( ´▽｀)我中左招！
