發記麵家 (已結業)

好肚餓 ﹗餓鬼上身，一碗麵點夠飽，黎多碗淨餸先得 ﹗腸仔滷水雞中翼鴛鴦走蔥多辣，近來減磅中，唔食咁多喇，過下口癮啫。驚喜 ﹗係度食左雞中翼咁多次，最正今次喇！雞翼飽滿，肉質又滑又彈又 juicy，滷水清香唔濁，好好味！應該係新鮮滷既，唔係琴日賣剩啦，雪過既滷水雞翼質感死實，又乾又硬呢。腸仔凍冰冰既？天氣開始涼，感覺略咸又油囉，洽洽去先好喎。一點九河粉都未賣晒，有得食鴛鴦，開心死，lucky。河粉滑、幼麵堅挺韌，掛上勁辣辣汁一齊送入口，心滿意足喇。淨豬腸牛腩豬紅雞中翼生菜走蔥多辣，最緊要勁辣，好想撈麵食呢，但今日只食淨餸。豬腸軟棉彈牙入味，洗得夠乾淨。牛腩都係好碎又好 dry 囉，間中試試好喇。豬紅係我食左咁多年都保持水準既，超級入味架 ﹗雞中翼依舊肉質較乾，應該係琴日賣剩既貨啦，同剛才碗麵完全唔同囉。生菜最刺激，索晒所有辣椒油，辣到我癲左，全身冒汗。