御名園 (已結業)

天氣凍凍地，見到御名園門口有雙冬羊腩煲，馬上黎暖下身! 398一煲，份量算得上大，而且價錢相對親民，仲送唐生菜! 趁羊腩未滾，點左兩碗燉湯暖下胃~舞茸合桃燉土雞湯，非常足料，湯料多到放匙羹入去都難~入口清甜好香舞茸既菌味，冬天飲好暖胃~另外點左個蒙古草原羊肚包肉，平時上網睇人食播大大啖啖，見到有我都試下~羊肉味非常重，外層羊肚彈牙夠咬口，入面羊肉香軟，超好食!羊腩煲滾起! 聞到陣味超香搞到好餓~ 話明係雙冬，少不免冬菇同冬荀冬菇夠大夠厚夠入味，冬荀夠爽脆，羊腩炆到又腍又入味，超正!鍾意食羊皮一定唔可以走寶! 另外配上佢既腐乳醬，增加唔少咸香，正!食到喧上下仲可以煮埋佢送既唐生菜，吸哂羊腩煲既汁，更好食!