篤篤車 (已搬遷) 新店位置

係屋企宅在成日，終於覺得肚餓頂唔住要落街食野，諗住食碗車仔麵就算，快，靚，正ma! 第一時間諗起附近開左間車仔麵‧ “篤篤車”本來以為係泰菜，原來係以泰式湯底為主既車仔麵店。星期六4點左右，門外等左10分鐘左右就可以入座啦‧如果自己一個食容易啲等位，所以話自己一個食飯又方便又自由，時間又隨心!!!知道呢間車仔都店出名係鱷魚湯底，但係本人唔多喜歡這類型既湯，所以我就揀左冬陰公湯底，今日試下特別啲既野，唔好成日食清湯HAHA…冬陰公湯底我揀左響鈴，冬菇，生根，要小辣!!!味道不錯，湯較為淡，如果係飲湯就岩岩好。如果係做都既湯底重味少少就更好啦。而辣醬可以調調味，一口麵，一口湯，不錯！唔想食面咁齋，跟餐叫返個網油春卷！新鮮炸起，外面超級酥脆，內面係少量肉同蘿蔔菜絲。食落唔太膩！香脆炸雞翼 辣味香脆可口，但味道咸左啲！配麵還好食咁多肉，最後叫咗個蠔油芥蘭，平𧗾一下肉肉食量😎食咁多嘢100蚊都唔洗，其實都唔貴！值得排一排既😋