泰邊爐 (已結業)

日式、中式打邊爐就食得多，泰式打邊爐就第一次試。所以今次就決定同好朋友去試新野，會一會尼間位于旺角瓊華中心既「泰邊爐」。尼間店主要係提供任飲任食既火鍋，店面中問擺放左各式各樣蔬菜、丸類（牛丸、豬肉丸、魚餅）、熟食、甜品、飲品，任君選擇。一坐埋位，我地揀左招牌冬蔭功湯底，劃紙仔點左啲肥牛、牛肋肉、蝦滑、墨魚滑。另外又加錢點左份美國手切牛肩肉🐂、招牌海鮮拼盤🐟及泰式生蝦🦐。唔洗一陣，啲菜式就上齊，效率非常高。冬蔭功湯底本身就配有一盤香料、菇菌、海鮮，所以個湯頭非常鮮味，而且酸辣香，十分之開胃，一啲都唔輸比彷間既泰國餐廳。另外值得推介既係手切牛肩肉，牛肉大大片，雪花平均，食落口牛味濃。海鮮拼盤一啲都唔馬虎，有大大隻既大頭蝦、扇貝、青口、墨魚。總括食物種類多、新鮮。服務員態度友善，落單又快。如果鍾意食泰國菜，「泰邊爐」係唔錯既選擇。