泰寮泰菜館 (已結業)

趁老公豬放假，難得豬大人點名要食呢間，咪同佢食一次囉！原來隻豬為左碗冬蔭功而來。初時見到碗野紅得好緊要，我仲擔心會好辣……點知飲落口，酸酸地幾有曼谷風味，唔算辣。隻豬仲可以一個人飲晒碗冬蔭功！要講辣，反而係泰式鳳爪。辣椒唔多，但大量生蔥生洋蔥，夾埋D味辣到呢……不過算幾好食啦。至於午市套餐既海鮮炒飯，不過不失，飯有D濕。最後係侍應問題。我唔覺得侍應不足，但問題係服務太慢囉！冇人帶位，隔離張枱走左成十分鐘都冇人執碟執枱，好奇怪囉！