影片
更多
2010-01-10
148 浏览
每天辛勞工作,所為的只是一餐安樂茶飯,跟家人說說笑笑,看看小朋友成長,整年的鬱結都能一掃而空.同外母家族食冬至飯,差不多打半人,家中煮是沒可能,要找就要找就腳一點的地方.怎說在火車站附近,北區可以有東鐡,港島區有隧巴,東區亦有巴士,地點可以話不作他選.一早已預訂大檯,剛好安排在大堂禮檯前,有點擺酒的感覺.高湯灼海生蝦 : 雖然是養蝦,但夠新鮮,至少霉肉蝦都只係四五隻,算好啦.鴻運乳豬全體 : 始終酒樓出品,要好好又未到,差又無可能,皮脆是做足功夫,不過就幾厚肉,豬耳奇怪地給人切去,講求美觀又唔須要吖.碧綠炒鴛鴦蚌 : 所謂鴛鴦蚌,是指象拔蚌及珊瑚蚌炒西蘭花,其實兩者都無乜味,好多時都要靠師傅或蠔油之類幫手,幸好玻璃茨出手輕,反而賣相仲好少少.帶子脆皮海鮮卷 : 皮是炸得夠鬆化,已經合格一半,海鮮餡料加入帶子肉粒,講到底,咪又係海鮮.紅燒花膠海皇翅 : 食過鹿鳴春雞湯翅,你會完全接受唔到豆粉水,呢碗豆粉茨,仲要勁到無朋友,皆因食完你會覺得想害你,再勁少少可以當漿糊,師傅又重,唔得.清蒸石班 : 老問題,酒樓好少會食到啱啱好既魚,當然地老火,肉質變得粗糙.鐘意食魚既人會好失望生財花菇好市
同外母家族食冬至飯,差不多打半人,家中煮是沒可能,要找就要找就腳一點的地方.
怎說在火車站附近,北區可以有東鐡,港島區有隧巴,東區亦有巴士,地點可以話不作他選.
一早已預訂大檯,剛好安排在大堂禮檯前,有點擺酒的感覺.
高湯灼海生蝦 : 雖然是養蝦,但夠新鮮,至少霉肉蝦都只係四五隻,算好啦.
鴻運乳豬全體 : 始終酒樓出品,要好好又未到,差又無可能,皮脆是做足功夫,不過就幾厚肉,豬耳奇怪地給人切去,講求美觀又唔須要吖.
碧綠炒鴛鴦蚌 : 所謂鴛鴦蚌,是指象拔蚌及珊瑚蚌炒西蘭花,其實兩者都無乜味,好多時都要靠師傅或蠔油之類幫手,幸好玻璃茨出手輕,反而賣相仲好少少.
帶子脆皮海鮮卷 : 皮是炸得夠鬆化,已經合格一半,海鮮餡料加入帶子肉粒,講到底,咪又係海鮮.
紅燒花膠海皇翅 : 食過鹿鳴春雞湯翅,你會完全接受唔到豆粉水,呢碗豆粉茨,仲要勁到無朋友,皆因食完你會覺得想害你,再勁少少可以當漿糊,師傅又重,唔得.
清蒸石班 : 老問題,酒樓好少會食到啱啱好既魚,當然地老火,肉質變得粗糙.鐘意食魚既人會好失望
生財花菇好市 : 好明顯係意頭菜,蠔士及花菇扣在生菜上,再用蠔油開玻璃茨,汁液是多,好彩比較稀,蠔士一口一隻,味濃夠淋,其實處理得好好.
醬皇脆皮燒雞 : 皮薄肉嫩,而且真係有點脆,骨位唔見血絲,食都食得安心.
腊味糯米飯 : 油份足,粒顆分明,腊味粒夠香,夠煙韌,可惜並非生炒.
大家能齊齊整整食餐飯,是莫大的福氣,但願大家能有健康愉快的一年.
张贴
